Հայաստանի «Զինծառայողների ապահովագրության հիմնադրամի» ակտիվների և պարտավորությունների կառավարման հանձնաժողովը մայիսի 29-ին որոշում է ընդունել կապիտան Գոռ Ֆրունզիկի Խուդինյանի ընտանիքին փոխանցել միանվագ 10 միլիոն դրամ և 20 տարվա ընթացքում տրամադրել ամսական 300 հազար դրամ: Այս մասին հայտնում է հիմնադրամի կայքը:
Նշենք, որ կապիտան Գոռ Խուդինյանը զոհվել է փետրվարի 23-ին ՊԲ հյուսիսային ուղղությամբ տեղակայված զորամասերից մեկի պահպանության տեղամասում:
ՀՀ քննչական կոմիտեի նախնական տվյալներով՝ սպան զոհվել է հակառակորդի կրակը ճնշելու նպատակով գնդացրով պատասխան կրակ վարելու ժամանակ. գնդացրի փողի մեջ պայթել է փամփուշտը, ինչից ստացած վնասվածքից էլ զոհվել է կապիտանը:
Ավելացնենք, որ մինչ այս հիմնադրամից փոխհատուցում է ստացել ևս ինը զոհված զինծառայողի ընտանիք.
- Անդրանիկ Սմբատի Մուսիկյան
- Գոռ Համազասպի Գարեգինյան
- Գեղամ Հենրիկի Մանուկյան
- Կարեն Մարատի Ուլուբաբյան
- Արայիկ Իգորի Սարգսյան
- Արտակ Էդիկի Ռաֆաելյան
- Նվեր Յուրիկի Բաբաջանյան
- Նարեկ Հմայակի Հարութունյան
- Գոռ Գևորգի Հովհաննիսյան