2016-ի դեկտեմբերին սոցցանցերում հայտնվել է 2015-ի հունվարի 18-ին սպանված Ադրբեջանի ԶՈւ զինծառայողի գերեզմանաքարի լուսանկար: Ավելի վաղ Razm.info-ն ՄԱԿ-ում Ադրբեջանի ԱԳՆ զեկույցների և մահացած զինծառայողների մասին հայտնի տվյալների համեմատությամբ գտել էր Ադրբեջանի ՊՆ թաքցրած 10 կորուստ, որոնցից մեկը ամսաթվով համապատասխանում է հենց այս զինծառայողին:
Սոցցանցերում ադրբեջանցի օգտատերերի հրապարակած լուսանկարում գերեզմանաքարը պատկանում է 2015 թ. հունվարի 18-ին մահացած զինծառայող, կրտսեր ենթասպա Մուրադով Իլգար Յուսիֆ օղլուին (Muradov İlgar Yusif oğlu): 2015 թ. հունիսի 24-ին նրան հետմահու պարգևատրել էր Ադրբեջանի նախագահը: Սակայն մինչ օրս զինծառայողի մահվան օրը հայտնի չէր, Ադրբեջանի ՊՆ-ն որևէ տեղեկություն չէր տրամադրել:
2016-ի սեպտեմբերին Razm.info-ն համեմատել էր ՄԱԿ-ում Ադրբեջանի ներկայացուցչի զեկույցները այդ երկրի պետական մարմինների հայտնած, ինչպես նաև Ռազմինֆոյի արձանագրած տվյալների հետ, ինչի շնորհիվ հայտնի էր դարձել Ադրբեջանի ՊՆ չհայտնած առնվազն ևս 10 մարտական կորստի մասին (2014-15թթ.)։
Դրանցից մեկը սպանվել էր 2015 թ. հունվարի 18-ին՝ Թարթառի ուղղությամբ, հայկական կողմի կրակից: Սակայն Ադրբեջանի ԱԳՆ զեկույցներում անուններ չեն նշվում: Մյուս 9 մարտական կորուստների մասին առայժմ տվյալներ չի հաջողվել գտնել:
Pingback: Ռազմաշաբաթ. Տարածաշրջան. 11 – 17 դեկտեմբերի, 2016 | Ռազմ.info