Այսօր՝ նոյեմբերի 15-ին, Արցախի ՊԲ մամուլի քարտուղար Սենոր Հասրաթյանը Razm.info-ի հետ զրույցում հայտնեց, որ Թարթառի շրջանում հայկական զինուժի ԱԹՍ-ի խոցման վերաբերյալ Ադրբեջանի ՊՆ հաղորդագրությունը չի համապատասխանում իրականությանը:
Համաձայն Ադրբեջանի ՊՆ հաղորդագրության՝ նոյեմբերի 14-ի երեկոյան «Ադրբեջանի զինված ուժերը խոցել են Հայաստանի զինված ուժերի անօդաչու թռչող սարք, որը փորձում էր թռիչք իրականացնել ռազմաճակատի Թարթառի շրջանի ուղղությամբ տեղակայված ադրբեջանական զինուժի դիրքերի վրայով»:
«Դա իրականությանը չի համապատասխանում», — Ռազմինֆոյի հետ զրույցում նշեց պարոն Հասրաթյանը:
Ավելացնենք, որ Ադրբեջանի ՊՆ-ն առայժմ ԱԹՍ-ի հնարավոր խոցման որևէ փաստական ապացույց չի ներկայացրել:
Pingback: Սպանվել է Ադրբեջանի բանակի զինծառայող | Ռազմ.info