Այսօր՝ օգոստոսի 22-ին, Ադրբեջանի ռազմածովային, ռազմաօդային, հրետանային և հրթիռային ուժերի մասնակցությամբ՝ Ադրբեջանի ՌԾՈւ-ում մեկնարկել է հրամանատարաշտաբային զորավարժություն, որի հայտարարվող նպատակը Կասպից ծովում Ադրբեջանի էներգետիկ ենթակառուցվածնքների անվտանգության ապահովումն է: Այս մասին հայտնում է Ադրբեջանի ՊՆ կայքը՝ նշելով, որ վարժանքները շարունակվելու են մինչև օգոստոսի 25-ը:
Ադրբեջանի ՌԾՈւ հրամանատարի ԺՊ, գնդապետ Հիջրան Ռուսթամզադեն պաշտպանության նախարար, գեներալ-գնդապետ Զաքիր Հասանովին զեկուցում է զորավարժության մասին
Զորավարժությունը պլանային է, մասնակից զինտեխնիկայի և անձնակազմի մասին մանրամասներ չեն հաղորդվում:
Ադրբեջանի պաշտպանության նախարար, գեներալ-գնդապետ Զաքիր Հասանովը այցելել է Ադրբեջանի ՌԾՈւ ռազմաբազա և հրամանատարական կայան, որտեղ նրան տեղեկացրել են զորավարժությանը մասնակցող նավերի ընդհանուր պատրաստականության, ինչպես նաև Կասպից ծովի ադրբեջանական հատվածի և ռազմածովային ուժերի օպերատիվ իրադրության մասին:
Այնտեղ Ադրբեջանի ՌԾՈւ հրամանատարի պաշտոնակատար, ՌԾՈւ գնդապետ Հիջրան Ռուսթամզադեն հայտարարել է նավատորմը մարտական պատրաստականության «լրիվ» աստիճանի բերելու մասին:
Նշենք նաև, որ այսօր՝ օգոստոսի 22-ին, ՌԴ Կասպյան նավատորմիղի երկու նավախմբերը ավարտել են Կասպից ծովում օգոստոսի 15-ից մեկնարկած վարժանքները և վերադարձել հիմնական տեղակայման բազաներ՝ Աստրախան և Մախաչկալա:
Pingback: Կասպից ծովում ավարտվել են Ադրբեջանի ՌԾՈւ վարժանքները | Ռազմ.info
Pingback: Ռազմաշաբաթ. Տարածաշրջան. 21-27 օգոստոսի, 2016 | Ռազմ.info