Սեպտեմբերի 19-ին Իսրայելի ՀՕՊ ուժերը Գոլանի բարձունքների հատվածում Patriot զենիթահրթիռային համալիրով խոցել են իրանական ԱԹՍ: Այս մասին հայտնում են Իսրայելի ՊԲ-ից:
BREAKING: A short while ago, the IDF intercepted a UAV that attempted to infiltrate Israeli airspace in the Golan Heights.
— IDF (@IDFSpokesperson) September 19, 2017
Նշվում է, որ ըստ Իսրայելի պաշտպանության բանակի հետախուզության տվյալների ԱԹՍ-ն իրանական արտադրության էր, թռել էր Դամասկոսի ավիաբազայից և ղեկավարվում էր «Հեզբոլլահի» կողմից: Իսրայելի ՀՕՊ ուժերը ԱԹՍ-ն խոցել են Patriot զենիթահրթիռային համալիրի մեկ հրթիռով:
Նման միջադեպ եղել էր նաև անցած տարվա հուլիսին: Այն ժամանակ, սակայն, Իսրայելի ՀՕՊ ուժերը չէին կարողացել չեզոքացնել Սիրիայի տարածքից ներխուժած ԱԹՍ: Այս դեպքում ևս կիրառվել էր Patriot ԶՀՀ: