Հայատանում տեղակայված ՌԴ ԶՈւ 102-րդ ռազմաբազայի մեխանիկ վարորդները և վարորդները «Կամխուդ» և «Ալագյազ» զորավարժարաններում ավտոմոբիլային և զրահատանկային տեխնիկայի վարման պատրաստության մեկամսյա կուրս են սկսել: Այս մասին Ռազմինֆոյին հայտնել են ՌԴ ԶՈւ հարավային ռազմական շրջանի մամուլի ծառայությունից:
Մեկամսյա վարժանքների ընթացքում զինծառայողները բարձրլեռնային և դժվարանցանելի տեղանքում յուրացնելու են տեխնիկան վարելու հմտություններ էքստրեմալ պայմաններում, գիշերային և ցերեկային ժամերին։
Վարժանքների ընթացքում զինծառայողները նաև մշակելու են արհեստական և բնական խոչընդոտների հաղթահարման նորմատիվներ։ Պարապմունքներին մասնակցում է 300 զինծառայող և ավելի քան 100 միավոր զինտեխնիկա։
Ավարտին տեխնիկայով իրականացնելու են ավելի քան 5 կմ երթ, որի արդյունքներով յուրաքանչյուր զինծառայող ստանալու է անհատական գնահատական և Հայաստանում անձնակազմ տեղափոխելու թույլտվություն։