Թուրքիայի զինված ուժերի համար նախագծված «Հյուրքուշ» ուսումնամարտական ինքնաթիռից ապրիլի 8-ին փորձնական կրակել են «Ռոքեթսան» ընկերության արտադրության «Մըզրաք-Ու» հակատանկային, լազերային ուղղորդմամբ հրթիռներով:
Milli şirketlerimizden TUSAŞ'ın geliştirdiği HÜRKUŞ, ROKETSAN'ın ürettiği LUMTAS füzesini kullanarak hedefi başarı ile vurdu. pic.twitter.com/fKfW2ZVwLY
— Fikri Işık (@fikriisik) April 8, 2017
«Մըզրաք-Ու» կամ UMTAS հրթիռն ուղղորդվում է լազերային ճառագայթով, տեղադրվել է նաև թուրքական արտադրության հարվածային ԱԹՍ-ների վրա:
- Խոցման առավելագույն հեռահարությունը՝ 8000 մետր է,
- Նվազագույնը՝ 500,
- Տրամաչափը՝ 160 մմ,
- Երկարությունը՝ 1800 մմ,
- Զանգվածը՝ 37,5 կգ է։
Հիշեցնենք, որ նախորդ տարի ԹԱԻ-ն մեկնարկել էր «Հյուրքուշ» ինքնաթիռի մեկնարկել էր միջազգային թեստավորման փուլը՝ արտասահմանում վաճառքի թույլտվություն ստանալու համար: Մասնավորապես խոսքը «Ավիացիոն անվտանգության եվրոպական գործակալության» (EASA) ինքնաթիռների CS-23 քաղաքացիական արտոնագրման փուլի մասին էր:
Սակայն մինչ օրս Թուրքիայի զինուժը դեռևս նման ինքնաթիռներ չի ստացել: Եթե նախկինում նախատեսվում էր ստանալ 2018 թ., ապա ներկայում այդ ժամկետը հետաձգվել է առնվազն մինչև 2020 թ.: