Թուրքական ռազմական արտադրության Harp Arge ընկերությունը հակադրոնային համակարգ (Drone Savar) է արտահանել Ադրբեջանին: Ընդ որում՝ սա այդ ընկերության առաջին արտասահմանյան արտահանումն է եղել: Այս մասին մարտի 13-ին հայտնում է թուրքական ընկերության կայքում:
Թուրքական ընկերությունը հակադրոնային համակարգ է արտահանել Ադրբեջան
Ներկայում այդ հակադրոնային համակարգը օգտագործվում է Թուրքիայի ոստիկանության և զինված ուժերի կողմից «հակահաբեկչական պայքարի համար»:
Ըստ աղբյուրի՝ թուրքական ընկերությունը հակադրոնային համակարգը արտադրում է սեփական «հումքով»: Մինչև վաճառքը հակադրոնային համակարգը ստուգումներ է անցել Ադրբեջանում:
Արտադրող ընկերության տվյալներով՝ հակադրոնային համակարգը կտրում է կապը անօդաչու թռչող սարքի և նրա կառավարման համակարգի միջև, ինչի հետևանքով սարքն իջնում է:
Համակարգի վրա տեղադրված է նաև 22մմ Պիկատինիի ձող, որի միջոցով նրան հնարավոր է կցել նաև հեռադիտակ:
Համակարգի գովազդային հոլովակում ցուցադրվում է, թե ինչպես է այն իջեցնում փոքր, քաղաքացիական նշանակության Inspire անօդաչու թռչող սարք: Ընդ որում՝ ադրբեջանական կողմը մինչ այս բազմիցս հայտարարություններ է տարածել, թե Արցախի հայկական զինուժն օգտագործում է նաև այս տիպի ԱԹՍ-ներ: