Մարտի 9-ին ԱՄՆ գլխավորած կոալիցիայի խոսնակ, գնդապետ Ջոն Դորիանը հայտնել է, որ «Իսլամական պետություն» ահաբեկչական խմբավորումից Ռաքքայի ազատագրմանն օժանդակելու համար Սիրիա կուղարկվեն ԱՄՆ ևս 400 զինծառայող: Փոխանցում է «Նյու Յորք Թայմս» պարբերականը:
Պաշտոնյան նշել է, որ պատրաստվում են Ռաքքայի ազատագրման գործողության կրակային և լոգիստիկ աջակցության համար:
Ամերիկյան զրահամեքենաները Մանբիջից հյուսիս ընկած Յալանլը գյուղի մոտ: 3/5/2017. լուսանկարը՝ AFP-ի
Նշվում է, որ գործողության ցամաքային մասը հիմնականում իրականացնելու են սիրիական ուժերը, իսկ ամերիկացիները իրականացնելու են կրակային աջակցություն և խորհրդատվություն:
Մարտի 8-ին հայտնի էր դարձել, որ ԱՄՆ-ն Ծովային հետևակի ստորաբաժանումներից Սիրիա է ուղարկել լրացուցիչ զորքեր «Իսլամական պետությունից» Սիրիայի Ռաքքա քաղաքի ազատագրման համար:
Իսկ մարտի 10-ին RT լրատվական գործակալությունը հրապարակել է Սիրիայում ԱՄՆ ծովային հետևակի զրահամեքենաների մասնակցությամբ տեսանյութ:
Hundreds of US marines deployed to #Syria filmed on the move ahead of #Raqqa operation
Courtesy: @Ruptlyhttps://t.co/TSvgIWgYof pic.twitter.com/FIDfTYlvdy— RT (@RT_com) March 10, 2017
ԱՄՆ գլխավորած կոալիցիայի խոսնակ, գնդապետ Ջոն Դորիանը Սիրիայում՝ մասնավորապես Մանբիջում, ռազմական ներկայությունը մեծացնելու մասին հայտնել էր նաև մարտի 4-ին:
.@CJTFOIR increased force presence in, around Manbij to deter hostile acts, enhance governance & ensure there's no persistent YPG presence https://t.co/TDIRsXimRH
— OIR Spokesman (@OIRSpox) March 4, 2017
Հիշեցնենք, որ մարտի 5-ին Սիրիայի քրդերի վերահսկողության տակ գտնվող Մանբիջում նկատվել էին ամերիկյան արտադրության զրահամեքենաներ, որոնք եղել էին ԱՄՆ դրոշներով:
Հավելենք, որ ԱՄՆ ղեկավարաթյունը՝ նախագահ Դոնալդ Թրամփի գլխավորությամբ, քննարկում է Սիրիայում և Իրաքում ԻՊ դեմ պայքարի համար որպես պահեստային զորք Քուվեյթում մինչև 1000 զինծառայողից բաղկացած զորախումբ տեղակայելու հարցը։