ԱՄՆ ղեկավարաթյունը՝ նախագահ Դոնալդ Թրամփի գլխավորությամբ, քննարկում է Քուվեյթում մինչև 1000 զինծառայողից բաղկացած զորախումբ տեղակայելու հարցը։ Այդ զորքերը կօգտագործվեն որպես պահեստային զորք՝ Սիրիայում և Իրաքում «Իսլամական պետություն» ահաբեկչական խմբավորման դեմ պայքարի համար: Այս մասին հայտնում է Reuters գործակալությունը՝ հղում անելով ԱՄՆ պաշտոնյաներին:
ԱՄՆ ծովային հետևակի զինծառայողները զորավարժության ժամանակ
ԱՄՆ պաշտոնյաներից մեկը նշել է, որ Քուվեյթում զորքերի տեղակայումը ԱՄՆ ԶՈւ հրամանատարությանը «մեծ ճկունություն կտրամադրի», որը թույլ կտա արագ արձագանքնել մարտերում անկախատեսելի խնդիրների ժամանակ:
Միևնույն ժամանակ ԱՄՆ պաշտոնյան նշել է, որ ռեզերվային զորքերի տեղակայումը Քուվեյթում «ամբողջովին տարբերվելու է այդ երկրում ԱՄՆ ԶՈւ անմիջական ներկայությունից»: ԱՄՆ Պենտագոնի խոսնակներից Ջեֆ Դեվիսը խուսափել է մեկնաբանություններ տալ այս թեմայի շուրջ:
Մարտի 8-ին հայտնի է դարձել, որ ԱՄՆ-ն Ծովային հետևակի ստորաբաժանումներից Սիրիա է ուղարկել լրացուցիչ զորքեր «Իսլամական պետությունից» Սիրիայի Ռաքքա քաղաքի ազատագրման համար: Այս մասին հայտնում է ամերիկյան Washington Post պարբերականի կայքը:
Սիրիայում տեղակայվել է Ծովային հետևակի 11-րդ էքպեդիցիոն ջոկատի մի մասը: Մասնավորապես ստորաբաժանման մեջ ընգրկված է 11-րդ էքպեդիցիոն ջոկատի հրետանային մարտկոցի մի մասը:
Բացի այդ, ներգրավված են լինելու նաև 4-րդ հետևակի 1-ին գումարտակի ստորաբաժանումները, որոնք կրակային աջակցություն են ցույց տալու Ռաքքայի ազտագրմանը մասնակցող ուժերին և ապահովելու են ԱՄՆ զինծառայողներին:
Հիշեցնենք, որ 2016-ի դեկտեմբերին ԱՄՆ ռազմածովային ուժերի Wasp և Whidbey Island դեսանտային նավերը մուտք են գործել Միջերկրական ծով։ Նավերի վրա կա շուրջ 4 հազար զինծառայող, AV-8B Harrier գրոհիչ ինքնաթիռներ, MV-22 Osprey կոնվերտոպլաններ և ուղղաթիռներ: Նավերը և Ծովային հետևակի երկու էքսպեդիցիոն ստորաբաժանումները մասնակցելում են Միջերկրական ծովում անվտանգության պահպանմանը:
ԱՄՆ զրահապատ մեքենաներ է ուղարկել Սիրիայում ԻՊ դեմ կռվող քրդական ուժերին:
Հիշեցնենք, որ 2016-ի նոյեմբերի 5-ին հիմնականում քրդերից, ինչպես նաև արաբական որոշ խմբավորումներից կազմված «Սիրիայի դեմոկրատական ուժեր» (SDF) խմբավորումը հայտարարել է ԻՊ «մայրաքաղաք» Ռաքքան և հարակից տարածքները ազատագրելու «Եփրատի ցասում» գործողության մեկնարկի մասին։ SDF-ի կազմի մեջ մտնում են հիմնականում զորաջոկատներ Սիրիայի քրդական «Ժողովրդական ինքնապաշտպանության ջոկատներ» (YPG) խմբավորումից:
Ռաքքայի գործողությունների հետ կապված տարաձայնություններ են առաջացել Թուրքիայի և ԱՄՆ-ի միջև: ԱՄՆ-ն «Սիրիայի դեմոկրատական ուժեր» (SDF) խմբավորումը դիտում է որպես ԻՊ դեմ պայքարող հիմնական ուժերից մեկը և պարբերաբար օգնություն է ուղարկում: Մասնավորապես ԱՄՆ 2017-ի առաջին երկու ամիսների ընթացքում զինտեխնիկա է ուղարկել Սիրիայի քրդերին, այդ թվում նաև զրահափոխադրիչներ: Սրան հակառակ, Թուրքիան Սիրիայի քրդական կառույցները դիտարկում է իբր ահաբեկչական կառույցներ և մշտապես մեղադրում ԱՄՆ-ին ահաբեկիչներին աջակցելու համար: