Փետրվարի 13-ին ՀՀ վարչապետի որոշումով սահմանամերձ համայնքներում համակարգման ենթակա հարցերի լուծման նպատակով կստեղծվի միջգերատեսչական հանձնաժողով, որը կղեկավարի պաշտպանության նախարար Վիգեն Սարգսյանը:
Հանձնաժողովը կզբաղվի հետևյալ հարցերով.
- սահմանամերձ համայնքների դպրոցների և մանկապարտեզների դիմաց պատնեշների կառուցում,
- հակառակորդի հրետակոծությունից պատսպարվելու նպատակով թաքստոցների կառուցում,
- սահմանամերձ համայնքներում իրադրության սրման դեպքում բնակիչների կողմից պահակային ծառայություն իրականացնելու նպատակով զենքի տրամադրում,
- դեպի գյուղատնտեսական նշանակության հողատարածքներ տանող ճանապարհների բարեկարգում,
- սահմանամերձ համայնքներում ներդրումային ծրագրերի նախատեսում
Միջգերատեսչական հանձնաժողովի կազմում են նաև մի շարք նախարարների տեղակալներ.
- Աշխատանքի և սոցիալական հարցերի նախարարի տեղակալ
- Տարածքային կառավարման և զարգացման նախարարի տեղակալ
- Տնտեսական զարգացման և ներդրումների նախարարի տեղակալ
- Ֆինանսների նախարարի տեղակալ
- Տրանսպորտի, կապի և տեխնոլոգիաների նախարարի տեղակալ
- Գյուղատնտեսության նախարարի տեղակալ
- Էներգետիկ ենթակառուցվածքների և բնական պաշարների նախարարի տեղակալ
- Արտակարգ իրավիճակների նախարարի տեղակալ
- Կրթության և գիտության նախարարի տեղակալ
- Առողջապահության նախարարի տեղակալ
Նշենք, որ ավելի վաղ «Արմենպրեսս» գործակալությունը հայտնել էր, որ ՀՀ պաշտպանության նախարար Վիգեն Սարգսյանը Տավուշի մարզում սահմանամերձ համայնքների ղեկավարների հետ հանդիպման ժամանակ առաջարկել է ձևավորել միջգերատեսչական խորհուրդ։
Մասնավորապես նախարարն առաջարկել էր ՊՆ գլխավորությամբ մշտական գործող միջգերատեսչական հանձնաժողով ձևավորել, որին կից մշտապես պետք է գործի սահմանամերձ գյուղերի ղեկավարների խորհուրդ, որպեսզի հարցերը լուծվեն ոչ թե առանձին, այլ համակարգային: