Ադրբեջանում հայտնում են 4 ահաբեկչի սպանելու մասին

Ադրբեջանի պետանվտանգության ծառայությունը հայտնում է, որ այդ երկրի մի խումբ քաղաքացիներ համալրել են արտասահմանում գործող ահաբեկչական խմբավորումներից մեկի շարքերը և պատրաստվում էին գործողություններ իրականացնել Ադրբեջանի տարածքում: Ծառայության հատուկջոկատայինների գործողության արդյունքում հունվարի 31-ին սպանվել է 4 զինյալ:

Այս մասին փետրվարի 1-ին հայտնում է ադրբեջանական ծառայության կայքը:

Ադրբեջանցի զինյալների մոտ հայտնաբերված սպառազինություն

Ադրբեջանցի զինյալների մոտ հայտնաբերված սպառազինություն

Ծառայության հատուկջոկատայինների կողմից կորուստների կամ հնարավոր վիրավորների մասին որևէ տվյալ չի հաղորդեվել: Նաև չի նշվում, թե հատկապես որ արտասահմանյան ահաբեկչական խմբավորմանն էին անդամացել Ադրբեջանի քաղաքացիները:

Ըստ հաղորդվող տեղեկության՝ զինյալները հավաքել էին տարբեր տեսակի զենքեր, պայթուցիկ նյութեր ու պատրաստվում էին ահաբեկչական գործողությունների՝ կրոնական ծայրահեղության հողի վրա:

Ադրբեջանի պետանվտանգության ծառայության գործողության ընթացքում, ըստ հաղորդվող տեղեկության, առաջինը կրակել են զինյալները: արդյուքնում սպանվել է 4 զինյալ՝ Ադրբեջանի քաղաքացիներ Մ. Ուլուբեկովը, Տ. Ալմամաեդովը, Գ. Դամիրովը և Ս. Մամեդովը: Զինյալների հայտնաբերման դեմ գործողությունները դեռևս շարունակվում են:

Ավելացնենք, որ Ադրբեջանի քաղաքացիները մեծամասամբ անդամակցում են Մերձավոր Արևելքում գործող տարբեր զինյալ խմբավորումների, մասնավորապես՝ «Իսլամական պետություն» խմբավորմանը: Սակայն այժմ հնարավոր չէ պնդել, որ սպանվածները հենց այդ կառույցներից մեկի հետ կապ ունեին:

Ադրբեջանի պետանվտանգության ծառայության հատուկ ջոկատայինները ձերբակալում են զինյալների

Ադրբեջանի պետանվտանգության ծառայության հատուկ ջոկատայինները ձերբակալում են զինյալների

One response to “Ադրբեջանում հայտնում են 4 ահաբեկչի սպանելու մասին

  1. Կասկածում եմ,որ ահաբեկիչ կոչվածները կապ ունեն իսլամական ծայրահեղակաների հետ:Տրված ազգանունները հուշում են,որ դրանք Ադրբեջանի փոքրամասություն կազմող էթնիկ կլանի ներկայացուցիչներ են և հանդես են եկել իրենց ազգային շահերի տեսանկյունից

Մեկնաբանել ՍարգիսՉեղարկել պատասխանը

Ձեր էլ. փոստի հասցեն չի հրատարակվելու: Պարտադիր դաշտերը նշված են *