Գերմանիայի զինուժը մտադիր է Patriot հակաօդային պաշտպանության համակարգերը փոխարինել MEADS համակարգերով։ Նախատեսվող ծախսերի քանակը դեռ հստակ հայտնի չէ։ Այս մասին Գերմանիայի պաշտպանության նախարարության մամուլի քարտուղարությունը հայտնել է ռուսաստանյան «ՌԻԱ նովոստի» լրատվական գործակալությանը։
MEADS համակարգերը օգտագործելու մտադրության մասին Գերմանիան հայտարարել է դեռ 2015-ին։ Գերմանական ARD հեռուստաալիքը հայտնել էր, որ համակարգերը արտադրվելու են Բավարիայում MBDA եվրոպական պաշտպանական կոնցեռնի կողմից։
Ըստ գերմանական հեռուստաալիքի՝ ամերիկյան Lockheed Martin ընկերության հետ համատեղ արտադրած սպառազինության արժեքը 3-4 մլրդ եվրո է, Գերմանիան նախատեսում է ձեռք բերել 8-10 համակարագ։ Համակարգերի փոխարինումը նախատեսվում է ավարտել մինչև 2025 թվականը։
Իտալիայի, Գերմանիայի և ԱՄՆ-ի համատեղ արտադրության միջին հեռահարության MEADS ՀՕՊ համակարգ, Գերմանիայի ԶՈւ
MEADS համակարգերի սերիական արտադրությունը սկսվել է 2014 թվականից՝ ՆԱՏՕ-ի զինուժում Patriot հակաօդային պաշտպանության համակարգերը փոխարինելու նպատակով։ Համակարգերը գնելու ցանկություն է հայտնել նաև Թուրքիան։
| MEADS ՀՕՊ համակարգերի ՄՏԲ | |
| Թիրախի խոցման հեռահարությունը` «բալիստիկ հրթիռ» «ինքնաթիռ,կառավարվող հրթիռ» |
3-35 կմ 3-100 կմ |
| Թիրախի խոցման առավելագույն բարձրությունը` | 25 կմ |