Հունվարի 28-ին ՀՀ զինված ուժերի գլխավոր շտաբի պետ, գեներալ-լեյտենանտ Մովսես Հակոբյանն ընդունել է ԱՄՆ-ի Կանզաս նահանգի ադյուտանտ-գեներալ, ազգային գվարդիայի հրամանատար, գեներալ-մայոր Լի Թաֆանելիի գլխավորած պատվիրակությանը: Կողմերը քննարկել են երկկողմ ռազմական համագործակցությանը վերաբերող հարցեր: Այս մասին հայտնում է ՀՀ ՊՆ կայքը:
ՀՀ ԶՈւ ԳՇ պետ, գեներալ-լեյտենանտ Մովսես Հակոբյանն ընդունել է Կանզասի ազգային գվարդիայի հրամանատար, գեներալ-մայոր Լի Թաֆանելիին
Կողմերն անդրադարձել են երկկողմ համագործակցության մի շարք հարցերի, այդ թվում՝ արհեստավարժ սերժանտների պատրաստության, ռազմաբժշկական և ինժեներական կարողությունների զարգացման ուղղությամբ:
Ավելացնենք, որ Կանզասի գվարդիայի մասնագետները պարբերաբար մարզում են ՀՀ ԶՈւ սերժանտների խմբեր: Վերջին նմանատիպ մարզումը եղել է 2016 թ. օգոստոսին՝ Կանզասում:
Գեներալ-լեյտենանտ Մովսես Հակոբյանն ընդգծել է, որ 15 տարի առաջ ՀՀ զինված ուժերի և Կանզասի ազգային գվարդիայի միջև մեկնարկած համագործակցությունը կայուն կերպով զարգանում է:
Հիշեցնենք նաև, որ Կանզասի ազգային գվարդիայի հրամանատարությանը 2016 թ. սեպտեմբերին ընդունել էր ՀՀ պաշտպանության նախկին նախպարար Սեյրան Օհանյանը:
Pingback: Ռազմաշաբաթ. Հայաստան. 29 հունվար – 4 փետրվարի, 2017 | Ռազմ.info