Հայաստանում տեղակայված ռուսաստանյան 102-րդ ռազմաբազայի հակաահաբեկչական ստորաբաժանումները անցկացրել են հակաահաբեկչական հատուկ մարտավարական զորավարժություն։ Այս մասին Ռազմինֆոյին հայտնել է ՌԴ ԶՈւ հարավային ռազմական շրջանի մամուլի ծառայությունը։
Մի-8ՄՏ ուղղաթիռը զորավարժության ժամանակ (արխիվ)
Զորավարժության ընթացքում զինծառայողները մշակել են ահաբեկչության կանխարգելման գործողություններ մարտավարական նշանակություն ունեցող ռազմական օբյեկտում, որտեղ տեղակայված են կործանիչներ և ավիացիոն տեխնիկա։
ԱԹՍ-ների ստորաբաժանումները անցկացրել են տեղանքի հետախուզում և հայտնաբերել են, որ պայմանական հակառակորդը գրավել է ռազմական օբյեկտը և փորձել է զավթել ՄիԳ-29 ինքնաթիռներ, Մի-24Պ և Մի-8ՄՏ ուղղաթիռներ։
Ռազմաբազայի զինծառայողներն իրականացրել են պայմանական հակառակորդի դիվերսիոն-հետախուզական խմբերի մեկուսացման և ոչնչացման առաջադրանքներ։
Ավարտին հակահաբեկչական ստորաբաժանումների զինծառայողները մշակել են պայմանական վիրավոր զինծառայողների տարհանում՝ օգտագործելով Մի-8ՄՏ ռազմական բեռնատար ուղղաթիռ։
Վարժանքներին մասնակցել է 300 զինծառայող, ներգրավվել է սպառազինություն, զինտեխնիկա, ԱԹՍ-ներ և ավիացիա։
Pingback: 102-րդ ռազմաբազայում մեկնարկել է նռնականետորդների դաշտային հավաք | Ռազմ.info