Նոյեմբերի 12-18-ն Ադրբեջանում անցկացվող խոշորամասշտաբ զորավարժության շրջանակներում նոյեմբերի 14-ին վարժանքներ են անցկացրել Ադրբեջանի ՌԾՈւ ստորաբաժանումները՝ ռազմանավերի և կատերների ներգրավմամբ: Այս մասին հայտնում է Ադրբեջանի ՊՆ կայքը:
Ադրբեջանի բանակի հատուկջոկատայինները խաղարկում են պայմանական ահաբեկիչներից նավի ազատագրում
Վարժանքների ընթացքում փորձարկվել են Կասպից ծովում տեղակայված ադրբեջանական ստորաբաժանումների անձնակազմի պատրաստականությունը, ռազմածովային ուժերի ղեկավարման մեխանիզմները:
Առաջին փուլում ՌԾՈւ ստորաբաժանումները բերվել են մարտական պատրաստականության «լրիվ» աստիճանի, նավերը, ստորաբաժանումները վերախմբավորվել են կենտրոնացման,մարտական ներդաշնակման շրջաններում:
Այս փուլում հայտարարվող հիմնական խնդիրը այլ զորատեսակների հետ համագործակցությամբ Կասպից ծովում էներգետիկ ենթակառուցվածների պայմանական պաշտպանության կազմակերպումը, «ահաբեկիչների» առևանգած նավի վրա ուղղաթիռով հատուկջոկատայինների դեսանտի իջեցման միջոցով նավի և անձնակազմի «ազատագրումն» է:
Հիշեցնենք, որ նոյեմբերի 13-ին Ադրբեջանի ՊՆ հայտնել էր, որ նոյեմբերի 12-ին Ադրբեջանի բանակի գրեթե բոլոր ստորաբաժանումների մասնակցությամբ մեկնարկած զորավարժությանը ներգրավվել են նաև ռազմածովային ուժերը։ Առավել վաղ ՌԾՈւ մասնակցության մասին որևէ տեղեկություն չէր տարածվել։
Ադրբեջանում մեկնարկած զորավարժությունների վերաբերյալ Razm.info-ին տված հարցազրույցում պարզաբանումներ էր ներկայացրել քաղաքագետ Սերգեյ Մինասյանը:
Ադրբեջանի ՌԾՈւ զորավարժություն
Ադրբեջանի ՌԾՈւ զորավարժություն