Հուլիսի 10-ին Բաքվի զինվորական հոսպիտալում մահացել է ապրիլյան մարտերում վիրավորված, Ադրբեջանի ԶՈւ պայմանագարային զինծառայող, տանկի հրամանատար Թաղիև Ռահիմ Գարա օղլուն (Tağıyev Rahim Qara oğlu): Այս մասին հայտնում է ադրբեջանական APA լրատվական գործակալությունը:
Զինծառայողը թաղվել է Մինգեչաուր քաղաքում: Նա վիրավորվել էր ապրիլի 2-ին Թարթառի շրջանում:
Մահացած զինծառայողը ծնվել է Շաքի քաղաքում, որտեղից էլ 1998-ին կանչվել է զինվորական ծառայության:
Նշենք, որ Ադրբեջանի ՊՆ-ն թաքցնում է ապրիլյան մարտերում սպանված 100-ավոր զոհերի մասին տեղեկությունները, իսկ նման տղեկություն տարածողներն Ադրբեջանում խիստ թշնամաբար են ընդունվում:
Razm.info-ին հաջողվել էր պարզել ապրիլի 2–5 լայնածավալ ռազմական գործողություններում Ադրբեջանի ԶՈւ 94 սպանված զինծառայողի ինքնությունը, սակայն մահացած զինծառայողների թիվը շատ ավելի մեծ է։
Pingback: Ադրբեջանական զինուժի կորուստները 2016-ի հուլիսին. Razm.info | Ռազմ.info