ԱՄՆ ինքնաթիռները Չեխիայում կմասնակցեն ՆԱՏՕ-ի զորավարժություններին

Ինչպես հաղորդում է չեխական ռադիոն, երեկ ամերիկյան ութ Ա-10 գրոհիչ ինքնաթիռներ ժամանել են Չեխիա՝ մասնակցելու ՆԱՏՕ-ի Ramstein Rover 2012 ՌՕՈՒ զորավարժություններին: Զորավարժությունը, որի նպատակներից է Աֆղանստանում ՆԱՏՕ-ի խաղաղարար առաքելությանը մասնակցող օդաչուների որակավորման բարձրացումը, շարունակվելու է մինչև սեպտեմբերի 21-ը: Հիմանական թռիչքները նախատեսված է իրականացնել սեպտեմբերի 10-21-ը:
Ընդհանուր առմամբ՝ զորավարժություններում ներգրավված կլինի ավելի քան 1000 զինծառայող 16 երկրներից:
Նշենք, որ Ramstein Rover 2012 զորավարժություններին կմասնակցեն նաև թուրքական F-16, չեխական L-39, L-159 ինքնաթիռներ, ինչպես նաև Մի-24/35, Մի-17, Մի-171 ուղղաթիռներ, Lear Jet և ՌՍ 9: