Հյուսիսային Կովկասում ավարտվում են ՌԴ սահմանի պահպանության բազմաէշելոն համակարգի ձևավորման աշխատանքները

ՌԴ Անվտանգության ծառայության Սահմանապահ ծառայության տնօրեն Վլադիմիր Պրոնիչևը ՌԴ նախագահ Վլադիմիր Պուտինին տեղեկացրել է Հյուսիսային Կովկասում ՌԴ պետական սահմանի պահպանության ուղղությամբ տարվող աշխատանքերի մասին:
Պրոնիչևի խոսքերով՝ 2003-2011 թվականներին պետական նպատակային ծրագիր է իրականացվել հյուսիսկովկասյան և կենտրոնական Ասիայի ուղղությամբ ՌԴ անվտանգությունն ապահովելու նպատակով:
«Ներկայումս Հյուսիսային Կովկասում հիմնական ջանքերն ուղղված են Հարավօսական և աբխազական ուղղությամբ ՌԴ անվտանգության ապահովմանը. հարավօսական ուղղությամբ արդեն ավարտվել են ՌԴ պետական սահմանի պահպանությանն ուղղված հիմնական աշխատանքները: Այսպիսով՝ առաջիկայում կստեղծվի ՌԴ սահմանի պահպանության բազմաէշելոն համակարգ»- ասել է Պրոնիչևը և հավելել, որ աշխատանքեր են տարվում նաև հեռավորարևելյան ուղղությամբ ՌԴ անվտանգության ապահովման ուղղությամբ:
Հանդիպման ընթացքում Սահմանապահ ծառայության տնօրենը խոսել է նաև ՌԴ ՍԾ համար նոր նավերի ձեռքբերման ծրագրի մասին: Նրա խոսքով՝ ծառայությունն արդեն իսկ ստացել է 21-րդ դարի նոր նավեր, նախատեսվում է հետագայում այդպիսի ևս 25 նավ ձեռք բերել: