Բախումներ Թուրքիայում. թարմացվող լրահոս, սեպտեմբերի 9

23:31
Իհլաս. Թուրքիայի Թունջելի քաղաքում PKK-ի զինյալների ոստիկանության և ժանդարմերիայի վրա կազմակերպած հարձակման արդյունքում վիրավորված 3 ոստիկաններից մեկը հիվանադանոցում մահացել է:

21:51
Դողան. Թուրքիայի Թունջելի նահանգում PKK-ի զինյալները հարձակվել են Թունջելի քաղաքի Ջումհուրիյեթ թաղամասում գտնվող ժանդարմերիայի և ոստիկանատան վրա: Ոստիկանները պատասխան կրակել նրանց վրա: Փոխհրաձգության արդյունքում վիրավորվել է 3 ոստիկան և 1 քաղաքացի: Ձեռնարկվել են հատուկ գործողություններ, թաղամաս են ուղարկվել անվտանգության լրացուցիչ ուժեր:

21:10
Իհլաս. Թուրքիայի հարավարևելյան Շըրնաք նահանգի Գյուչլուքոնաք գավառում PKK-ի զինյալները փորձել են ճանապարհի վրա պայթուցիկ տեղադրել, սակայն ուժայինները նկատել են նրանց, ինչից հետո նրանք փախել են՝ թողնելով պայթուցիկ նյութերը:

21:00
Անադոլու. Թուրքիայի հարավարևելյան Շըրնաք նահանգի Ջիզրե քաղաքի Նուր թաղամասում PKK-ի զինյալները նռնականետերով և հրազեններով հարձակվել են ոստիկանական մեքենայի վրա: Հարձակման հետևանքով նռնակները դիպել են նաև փողոցին հարակից տներից մեկին, ինչի հետևանքով 2 մարդ վիրավորվել և տեղափոխվել է հիվանդանոց: Վիրավորները հիվանդանոցում մահացել են:

17։50
Անադոլու․ Թուրքիայի Շըրնաք նահանգի Ջիզրե շրջանում PKK-ի 2 զինյալ է սպանել անվտանգության ուժերի հատուկ գործողության արդյունքում։

17։38
Հաբեր թուրք․ Թուրքիայի Դիարբեքիր նահանգի Քուլփ, Սիլվան, Լիջե, Դիջլե շրջանները 6 ամիս տևողությամբ «ժամանակավոր ռազմական անվտանգության գոտի» են հայտարարվել։

17։00
Իհլաս․ Թուրքիայի Մուշ նահանգի ոստիկանությունը հատուկ գործողության արդյունում PKK-ի 4 զինյալ է ձերբակալել։

16։50
CNN Turk․ Թուրքիայի անվտանգության ուժերը հատուկ գործողություն են սկսել Հաքքարի նահանգի Դաղլըջա շրջանում։

15։53
Իհլաս․ Թուրքիայի նախագահ Ռեջեփ Թայիփ Էրդողանն իր նստավայրում ընդունել է Թուրքիայի ԶՈւ ԳՇ պետ Հուլուսի Աքարին։

15։46
Ջումհուրիեթ․ Թուրքիայի վարչապետ Ահմեդ Դավութօղլուի օգնական Յալչըն Աքդողանը հայտարարել է, որ «ահաբեկչության դեմ պայքարը բազմակողմանի և կայուն բնույթ է կրելու»։

15։26
Աքշամ․ Թուրքիայում, PKK-ի զինյալների դեմ հատուկ գործողություն իրականացնելու նպատակով, կանգնեցվել է Բիթլիս-Թաթվան ճանապարհի երթևեկությունը։

15։17
Դողան․ Թուրքիայի Վան նահանգի Չաթաք շրջանում PKK-ի զինյալները հարձակվել են Ժանդարմերիայի բաժանմունքի վրա։ Սկսվել է փոխհրաձգություն։

15։05
Սյոզջու․ Թուրքիայի Ստամբուլ քաղաքում, PKK-ի զինյալների գործողությունների դեմ սեպտեմբերի 8-ի բողոքի ակցիայի 93 մասնակից է ձերբակալվել՝ սեփականության դեմ հանցագործության մեղադրանքով։

14։55
Հաբեր թուրք․ Թուրքիայի Մարդին նահանգի Միդյաթ քաղաքում ոստիականությունը, անվտանգության նկատառումներով, արգելափակել է քրդամետ «Ժողովուրդների դեմոկրատական» կուսակցության (HDP) ղեկավար Սելահաթթին Դեմիրթաշի ավտոշարասյունը։

14։33
Միլիեթ․ Թուրքիայի Հաքքարի նահանգի Շեմդինլի շրջանում բախվել են անվտանգության ուժերն ու PKK-ի զինյալները։ Թուրքական աղբյուրները պնդում են, որ PKK-ի 7 զինյալ սպանվել է։

13։21
ՆԱՏՕ կայք. Թուրքիայում բախումներին անդրադարձել է ՆԱՏՕ-ի գլխավոր քարտուղարը:

«Ես խստորեն դատապարտում եմ վերջին ահաբեկչական հարձակումները Թուրքիայում:

Ես իմ անկեղծ ցավակցություններ են հայտնում Թուրքիայի կառավարությանը, վերջին հարձակումների ընթացքում տուժած զինծառայողների և ոստիկանների ընտանիքներին և հարազատներին:

Ահաբեկչությանը չկա արդարացում: Մենք մեր համերաշխությունն ենք հայտնում դաշնակից Թուրքիայի կառավարությանն ու ժողովրդին», — ասված է Յենս Ստոլտենբերգի հայտարարության մեջ:

Հատկանշական է, որ ՆԱՏՕ-ի գլխավոր քարտուղարը հարձակումները նշում է որպես ահաբեկչական: Թուրքիայում հենց ահաբեկչական կազմակերպություն են համարում PKK-ն՝ «Քրդստանի աշխատավորական կուսակցությունը»:

12։24
Իհլաս․ Թուրքիայի կենտրոնական Կոնիա նահանգի Սելչուկլու գավառում անհայտ անձինք այրել են PKK-ի հետ կապեր ունեցող «Ռոնահի դեմոկրատ, ազատ աշակերտ» միության շենքը։ Դեպքի վայր են ժամանել մեծ թվով ոստիկաններ, հրշեջ ծառայությունը և շտապօգնությունը։ Կրակը հաջողվել է հանգցնել, բայց շենքը ամբողջությամբ շարքից հանվել է։

12։05
Դողան․ Սեպտեմբերի 8-ին Հաքքարիում PKK-ի կազմակերպած պայթյունի հետևանքով մահացած սերժանտի թաղման արարողությունից վերադառնալիս Թուրքիայի 25-րդ սահմանապահ բրիգադի զինվորներին տեղափոխող զինվորական մեքենան բախվել է մեկ այլ մեքենայի և շրջվել Թուրքիայի հյուսիսարևելյան Արդահան նահանգի Գյոլե գավառի Թահթաքըրան գյուղի մոտակայքում։ Վթարի հետևանքով վիրավորվել և հիվանդանոց է տեղափոխվել 11 զինվոր։

11:41
Դողան․ Թուրքիայի հարավարևելյան Գազիանթեփ քաղաքի Բեյբահչե թաղամասում PKK-ի համակիրները ցույց են կազմակերպել։ Ցուցարարների գործողություններին միջամտելու համար դեպքի վայր են ժամանել ոստիկաններ։ Ցուցարարներից մեկը կրակել է ոստիկանների վրա, ինչի հետևանքով վիրավորվել է 1 ոստիկան։ Ոստիկանները հատուկ գործողություններ են ձեռնարկել ցուցարարների ինքնությունը ճշտելու և ձերբակալելու համար։

11:19

Դողան․ Թուրքիայի արևելյան Վան նահանգի Էրչիշ գավառում PKK-ի զինյալները, փակելով Էրչիշ-Ադիլզեվազ ճանապարհը, կանգնեցրել և այրել 3 բեռնատար մեքենա։

PKK-ի զինյալները ևս 8 բեռնատար մեքենա այրել են Բիթլիս-Դիարբեքիր ճանապարհին գտնվող Բուզլուփընար գյուղի մոտակայքում։
Կասկածյալների ձերբակալելու համար ձեռնարկվել են հատուկ գործողություններ։

10:48
Դողան․ Երեկ`սեպտեմբերի 8-ին, Թուրքիայի հարավարևելյան Մարդին նահանգում PKK-ի զինյալների կազմակերպած պայթյունի հետևանքով վիրավորված 4 ոստիկաններից մեկը հիվանդանոցում մահացել է։
Հիշեցնենք, որ PKK-ի զինյալները Դարգեչիթ գավառում՝ ճանապարհին տեղադրված ականով պայթեցրել են ոստիկանական զրահամեքենա։

00:25

22:43 #İstanbul #Ümraniye, #HDP ilçe binası saldırıya uğradı, polis ve #TOMA bölgede. ?: @sergn pic.twitter.com/UNNB3itUT3

— 140journos (@140journos) September 8, 2015

Հաբերթուրք. Թուրքիայի տարբեր շրջաններում՝ Ստամբուլում, Անկարայում, Ալանիայում և այլ վայրերում, հարձակման են ենթարկում քրդամետ «Ժողովուրդների Դեմոկրատական կուսակցության» (HDP)-ի շենքերը:

An İtibariyle Alanya HDP Binası ve Çevredeki Kürtlere Ait İşYerleri Yakılıyor. pic.twitter.com/a0hUfZhwl6 — Özgür Gündem Anf (@OzgurrGundem) September 8, 2015