Ֆիզուլիում ամեն ինչ խաղաղ է

Ադրբեջանական լրատվամիջոցները հերթական ապատեղեկատվությունն են տարածել, հայտնելով, թե, իբր, հայկական բանակը հունիսի 7-ին Ֆիզուլիի շրջանում լայնամասշտաբ հարձակման է անցել և մարտեր են ընթանում ուղղաթիռների կիրառմամբ։ Հաղորդվում է նաև, թե իբր երկու կողմերից էլ կան բազմաթիվ զոհեր և վիրավորներ, բայց ադրբեջանցիներին հաջողվել է կասեցնել մեր ստորաբաժանումների ճեղքումը։ Սակայն, Պաշտպանության Բանակի մեր աղբյուրները հերքում են այդ տեղեկությունները։ Մնում է ենթադրել, որ ադրբեջանական կողմն այլևս ի վիճակի չլինելով թաքցնել վերջին օրերին իր կրած խոշոր կորուստները, լայնամասշտաբ մարտական գործողություններ է հորինում, որպեսզի կարողանա այդ կերպ արդարացնել սեփական զինվորների մահը։