Լռության րոպե՝ ՀՊՄՀ-ում

ՀՊՄՀ-ում հայտարարված է լռության րոպե: Հաղորդագրությունում ասվում է. «Հարգելի ուսանողներ և պրոֆեսորադասախոսական անձնակազմ, ս.թ. հունիսի 4-ին հայ-ադրբեջանական սահմանի հյուսիսարևելյան հատվածում ադրբեջանական կողմը հերթական անգամ կոպտորեն խախտել է շփման գծում հաստատված հրադադարի ռեժիմը` փորձելով ներթափանցել ՀՀ Տավուշի մարզի Բերդավան և Չինարի գյուղերի ուղղությամբ տեղակայված հայկական հենակետեր: Թեպետ հակառակորդը ետ է մղվել, բայց ադրբեջանական գործողության արդյունքում զոհվել են ՀՀ ԶՈւ զինծառայողներ Հրաչ Սամվելի Սարգսյանը, Զոհրաբ Խաժակի Բալաբեկյանը և Կարեն Կամոյի Դավթյանը, ինչպես նաև հունիսի 5-ի, լույս 6-ի գիշերը ղարաբաղա-ադրբեջանական հակամարտ զորքերի շփման գծի հարավային հատվածում (Հորադիզի ուղղությամբ) ադրբեջանական դիվերսիոն խմբի վնասազերծման գործողության ժամանակ զոհվել է կրտսեր սերժանտ Վարդան Ռոբերտի Օհանյանը:
Ի հիշատակ զոհվածների, ՀՊՄՀ ԲԱՆԱՍԻՐԱԿԱՆ ֆակուլտետի դեկանատը` հունիսի 8-ին, ժամը 11:00-ին, նախաձեռնել է ողջ ֆակուլտետում հայտարարել լռության րոպե»:

One response to “Լռության րոպե՝ ՀՊՄՀ-ում

  1. Pingback: Հազարավոր կամավորներ ցանկանում են մեկնել սահման. իրավիճակը վերհսկում են հայ զինվորները. օրվա ամփոփում | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *