Զինծառայողների սպանության փաստով հարուցվել են քրեական գործեր

ՀՀ ՊՆ քննչական ծառայությունից հայտնում են, որ հունիսի 4-ին Տավուշի մարզի Չինարի գյուղի պաշտպանական հենակետի ուղղությամբ իրականացված ադրբեջանական հարձակման հետևանքով 2 զինծառայողի մահվան և 5-ի վիրավորման փաստով 6-րդ կայազորային բաժնում հարուցվել է քրեական գործ` ՀՀ Քր. Օր.-ի 104 հոդվածի 2-րդ մասի 1-ին, 6-րդ, 7-րդ կետերի հատկանիշներով: Այն է՝ երկու կամ ավելի անձանց սպանություն, որը կազմակերպվել է մի խումբ անձանց կողմից շատերի կյանքի համար վտանգավոր եղանակով: Օրենսգրքի նույն հոդվածով քրգործ է հարուցվել նաև  Բերդավան հենակետի ուղղությամբ ադրբեջանցիների կատարված հարձակման հետևանքով զոհված 1 զինծառայողի և 1-ի վիրավորվելու փաստով: