Հայաստանի պաշտպանության նախարար Սեյրան Օհանյանը սեպտեմբերի 10-ին ընդունել է ՀՀ-ում ԱՄՆ արտակարգ և լիազոր դեսպան Ջոն Հեֆֆերնին և դեսպանության նորանշանակ ռազմական կցորդ, գնդապետ Էնթոնի Սեբոին:
Սեյրան Օհանյանը, Ջոն Հեֆֆերն ու Էնթոնի Սեբոին
Գնդապետ Սեբոն Օհանյանին է հանձնել ԱՄՆ պաշտպանության քարտուղար Չաք Հեյգլի կողմից ՀՀ պաշտպանության նախարարին հասցեագրված երաշխավորման նամակը, որով ներկայացվում է Հայաստանում ռազմական կցորդի պաշտոնավարման լիազորությունների շրջանակը:
Հանդիպմանը պաշտպանության նախարարն ու դեսպան Հեֆֆերնը քննարկել են նաև հայ-ամերիկյան երկկողմ, ինչպես նաև ՆԱՏՕ-ի ձևաչափով պաշտպանական համագործակցությանն առնչվող հարցեր, մասնավորապես` Ուելսի գագաթաժողովի ընթացքում ՆԱՏՕ-ի կողմից նախաձեռնած գործընկերների հետ համագործակցության և փոխգործակցելիության զարգացման նոր հարթակի շրջանակներում:
Հեֆֆերնը հավաստիացրել է, որ ամերիկյան կողմը շարունակելու է զարգացնել պաշտպանական համագործակցությունը հայկական կողմի հետ փոխադարձ հետաքրքրություն ներկայացնող բոլոր ոլորտներում:
Հանդիպման ժամանակ քննարկվել են նաև երկկողմ համագործակցությանն ու տարածաշրջանային անվտանգությանն առնչվող այլ հարցեր, տեղեկացնում է ՀՀ ՊՆ մամուլի ծառայությունը:
Pingback: Յուրի Խաչատուրովն ընդունել է Հայաստանում ԱՄՆ նորանշանակ ռազմական կցորդին | Ռազմ.info