Երկրորդ տեղը` տանկային բիաթլոնի միջազգային մրցաշարից, ՊԲ հրամանատարը մամուլի ասուլիս է հրավիրել, ՀՀ ՊՆ հայտարարությունն առաջնագծում իրավիճակի վերաբերյալ և այլն`
Տանկային բիաթլոնի Հայաստանի հավաքականը՝ գլխավերևում պահելով Տ-90Ս տանկի վկայագիրը
” Տանկային բիաթլոն-2014 մրցույթի եզրափակիչ փուլում, որտեղ մրցում էին նախորդ օրերի արդյունքներով 1-ից 4-րդ տեղեր գրաված երկրների տանկիստները, Հայաստանը գրավել է 2-րդ տեղը: Հայաստանի զինված ուժերի անձնակազմը կազմակերպիչներից նվեր է ստացել է Տ-90Ս տանկ:
” Ռուսաստանյան Տ-90Ս տանկը, որը Հայաստանը ստացել է որպես մրցանակ Տանկային բիաթլոն-2014 մրցույթում 2-րդ տեղը զբաղեցնելու համար, բնական է, որ չի համալրի շարային զորամասերից որևէ մեկի սպառազինությունը, այլամենայն հավանականությամբ, կծառայի որպես ուսումնանյութական բազա։
” «Այս տարի առանձնահատուկ էր իրավիճակն առաջնագծում: Մինչև օրս ունենք հակառակորդի կողմից դիվերսիայի 16 փորձ, հիմնական տեղերում անհաջողության են մատնվել, որոշ դեպքերում պատասխան ստացել ու ելման դիրքեր գնացել: Հակազդող նմանատիպ 7 գործողություն ենք իրականացրել, որից 5-ը հաջողված են եղել»,-նշել է ՊԲ հրամանատար Պաշտպանության բանակի հրամանտար, գեներալ-լեյտենանտ Մովսես Հակոբյանը:
” Հայ-ադրբեջանական սահմանին և շփման գծում լարվածությունից հետո շրջանառվում էր Արցախում խաղաղապահների տեղակայման հարցը: Օգոստոսի 19-ին հրավիրված ասուլիսի ժամանակ Պաշտպանության բանակի հրամանատար, գեներալ-լեյտենանտ Մովսես Հակոբյանը նշեց, որ ամենից լավ խաղաղապահը հենց Պաշտպանության բանակն է:
” ՀՀ պաշտպանության նախարարությունն անդրադարձել է վերջին օրերին Ադրբեջանի կողմից հրադադարի պահպանման ռեժիմի խախտման դեպքերին՝ կոչ անելով զերծ մնալ իրավիճակի լարմանն ուղղված գործողություններից։
” «ՅՈւՔՈՄ» հեռահաղորդակցման ընկերությունն օգոստոսի 20-ին այցելել էր Տավուշի մարզի մի շարք զորամասեր ու մարտական շուրջ 30 դիրքեր, որոնք առավել մոտ էին առաջնագծին և որտեղ մարտական հերթապահություն կատարող զինծառայողներն անմիջական մասնակցություն էին ունեցել հակառակորդի վերոհիշյալ դիվերսիոն գործողությունների հետմղման գործընթացին։
” ՀՀ կառավարությունն օգոստոսի 21-ի նիստում որոշել է Կարեն Դեմիրճյանի անվան մարզահամերգային համալիրը հանձնել ՀՀ պաշտպանության նախարարությանը։
” Կառավարության նիստում որոշում է կայացվել, որի համաձայն՝ Այգեհովիտ-Վազաշեն-Պառավաքար-Այգեպար ճանապարհի Վազաշեն-Պառավաքար հատվածի փոխարեն այլընտրանքային ճանապարհի կառուցումը նախատեսվում է ավարտել մինչև հոկտեմբերի 31-ը:
” Պաշտպանության բանակի մի խումբ զինծառայողներ Սուրբ Աստվածածնի Վերափոխման տոնին Հադրութի Սուրբ Հարություն եկեղեցում մկրտվել են։ Պատարագին մասնակցել են ոչ միայն դեռևս չմկրտված զինծառայողները, այլ նաև նրանց ծառայակիցները, ինչպես նաև սպաներ։
” ՀՀ պաշտպանության նախարար Սեյրան Օհանյանն օգոստոսի 15-ին հանդիպել է ազատամարտիկներին միավորող, ինչպես նաև ՀՀ պաշտպանության նախարարության հետ համագործակցող շուրջ 130 հասարակական կազմակերպությունների ներկայացուցիչներին:
Ռազմաշաբաթը նաև