ՌԴ նախագահ Վլադիմիր Պուտինի հրամանագրով՝ Ռուսաստանի նախագահի՝ ռազմատեխնիկական հարցերով օգնական է նշանակվել Վլադիմիր Կոժինը, որն ընդգրկված է այն անձանց ցուցակում, որոնց նկատմամբ ԱՄՆ-ն կիրառում է վիզային ու ֆինանսական պատժամիջոցներ՝ կապված Ուկրաինայի հարցում Ռուսաստանի դիրքորոշման հետ:
Ռուսաստանի նախագահի՝ ռազմատեխնիկական հարցերով խորհրդական Վլադիմիր Կոժինը
Կոժինը նախկինում՝ 2000 թվականից, զբաղեցնում էր Ռուսաստանի նախագահի գործերի կառավարչի պաշտոնն ու զբաղվում էր երկրի նախագահի, կառավարության ու խորհրդարանի նյութատեխնիկական ու սոցիալական ապահովման գործերով: Այս մասին հայտնում է ՌԴ նախագահի պաշտոնական կայքը:
Պուտինի մեկ այլ հրամանգրով՝ Ռուսաստանի ներքին գործերի նախարարի առաջին տեղակալ ու ներքին զորքերը հրամանատար է նշանակվել Վիկտոր Զոլոտովը, որը մինչ այդ պաշտոններ է զբաղեցրել Պահպանության դաշնային ծառայությունում ու Ներքին գործերի նախարարությունում, մասնավորապես 2013-ի սեպտեմբերին նշանակվել է ՌԴ ներքին զորքերի հրամանատարի տեղակալ: