Ինքնասպանությունների մեծ թիվը շարունակում է մնալ ԱՄՆ բանակի լրջագույն խնդիրներից մեկը։ Այս հարցին 2014-ի ապրիլի 17-ին անդրադարձել է ԱՄՆ բանակի հատուկ գործողությունների հրամանատարության պետ, ծովակալ Ուիլիամ ՄըքՌավենն, ով ևս իր մտահոգությունն է հայտնել բանակում ինքնասպանությունների բարձր թվի կապակցությամբ։ Այս մասին հայտնում է Ռոյթերս գործակալությունը։
Ծովակալը նշել է, որ ինքնասպանություն գործող զինծառայողների զգալի մասը ծառայած են լինում հատուկ նշանակության ստարաբաժանումներում ու թեժ մարտերին մասնակցությունից հետո բոլորին չէ, որ հաջողվում է արագ վերականգնվել և գալ հոգեբանական կայուն վիճակի։
ՄըքՌավենը նաև մեջբերել է 2012-2013 թվականներին ինքնասպանություն գործած զինծառայողների թվի վիճակագրությունը։ Ըստ այդմ՝ 2012-ին ԱՄՆ բանակն ինքնասպանությունների հետևանքով կորցրել է 350 զինծառայող, ինչն ավելի շատ է քան, այդ նույն տարում մարտական գործողություններում զոհվածների թիվը։
2013-ին այս թիվը համեմատաբար նվազել է՝ կազմելով 284 հոգի, սակայն դրանով ցուցանիշը չի դադարում մնալ աղետալի: Ծովակալը ուշադրություն է հրավիրել այն հանգամանքի վրա, որ հատուկ նշանակության զորամիավորումներում ներկայումս ծառայում է շուրջ 59 000 զինծառայող, ովքեր 12-13 տարի մարտական առաջադրանքներ են կատարում երկրագնդի տարբեր թեժ կետերում ու հենց նրանք են հետագայում ինքնասպանություն գործողների ռիսկային առաջին խմբում։
ԱՄՆ բանակում ինքնասպանության թվի աճի միտումը պատկերացնելու համար նշենք, որ 2010-ին գրանցվել է 156 դեպք ու փաստորեն, 2013-ի 284 ցուցանիշի համեմատ այն աճել է մոտ 1.8 անգամ։
«Ինքնասպանությունն ամենադաժան թշնամին է, որին ես առերեսվել եմ իմ ծառայության 37 տարիների ընթացքում». ԱՄՆ բանակի անձնակազմի գծով պետի տեղակալ, գեներալ Լլոյդ Օսթին։
Pingback: Ինքնասպանությունների թիվն ԱՄՆ բանակում նորից բռնել է վերելքի ուղին | Ռազմ.info