2014-ի ապրիլի 4-ին Չեչնիայի Մարտանովի շրջանում ինժեներական հետախուզական աշխատանքներ իրականացնելու ժամանակ ՌԴ ներքին զորքերի ստորաբաժանումներին պատկանող հետևակի մարտական մեքենան (ՀՄՄ) պայթեցվել է հատուկ պատրաստված ու սքողված պայթուցիկի միջոցով։
Ինչպես հաղորդում է ռուսաստանյան «Ռիա Նովոստի» լրատվական գործակալությունը, հղում տալով ՌԴ ՆԳՆ մամուլի ծառայությանը, պայթյունի հետևանքով սպանվել են ՀՄՄ-ի անձնակազմից 4 զինծառայող, վիրավորվել են 7-ը։ Տուժածներին տեղափոխել են Գրոզնիի հոսպիտալ։
Այս պահի դրությամբ նախնական վարկածներ առաջ չեն քաշվել։ Հայտնի է միայն, որ հարուցվել է քրեական գործ «իրավապահ մարմինների աշխատակիցների նկատմամբ մահափորձ անելու» և «զենքի ապօրինի շրջանառության» հոդվածներով։
Միջադեպի վայրում հետաքննություն է տանում հատուկ կազմված հանձնաժողովը։