Ադրբեջանի զինված ուժերի որոշ սպաների և ենթասպաների համար սահմանափակել են բջջային հեռախոսների կիրառումը։ Սահմանափակումները հիմնականում վերաբերում են այն զինծառայողներին, որոնք ծառայություն և մարտական հերթապահություն են անցնում հայ-ադրբեջանական շփման գծին մոտ։
Ինչպես հաղորդում է Ադրբեջանի պաշտպանության նախարարության մամուլի խոսնակ, գեներալ-լեյտենանտ Վագիֆ Դարգահլըն, սահմանափակումները նպատակ ունեն ապահովել գաղտնիության ցանկալի աստիճանը տվյալ զորամասերում։
Այնուհանդերձ, խոսնակը հավելել է, որ բջջային հեռախոսների օգտագործման սահմանափակումները չեն վերաբերում Ադրբեջանի ԶՈւ մյուս զորամասերի զինծառայողներին։