Ադրբեջանի պաշտպանության նախարարը փետրվարի 5-ին ընդունել է Թուրքիայի ռազմաօդային ուժերի ակադեմիաների հրամանատարության պատվիրակությանը՝ բրիգադի գեներալ Սամի Օզաթաքի գլխավորությամբ, ինչպես նաև Roketsan թուրքական ռազմարդյունաբերական ընկերության գլխավոր տնօրեն Սելջուք Յաշարին։
Զաքիր Հասանովն ընդունել է Թուրքիայի պատվիրակությանը
Համաձայն Ադրբեջանի պաշտպանության նախարարության պաշտոնական կայքի տվյալների՝ Հասանովը հայտարարել է՝ Թուրքիայի և Ադրբեջանի համագործակցությունը ռազմատեխնիկական ոլորտում հիմնված է «ընկերական և եղբայրական հարաբերությունների վրա, անընդհատ զարգանում է»։
Այնուհետև կողմերի միջև կարծիքների փոխանակություն է իրականացվել երկկողմ ու տարածաշրջանային համագործակցության հարցերի շուրջ։
Հանդիպմանը ներկա էր նաև Ադրբեջանում Թուրքիայի զինված ուժերի ռազմական կցորդ, բրիգադի գեներալ Հասան Նևզաթ Թաշդելերը։
Հիշեցնենք, որ Թուրքիայի պատվիրակությունն Ադրբեջան էր ժամանել փետրվարի 4-ին։