Իսրայելի պաշտպանության նախարարությունը Motorola Solutions (Մոթորոլա Սոլուշըն) ընկերության հետ կնքել է շուրջ 100 մլն ԱՄՆ դոլարի կոդավորված LEX 700 Mission Critical Handheld հատուկ սմարթֆոնների տրամադրման մասին պայմանագիր։
Այս մասին հայտնում է «Ջեյնս» ռազմական հանդեսը։
LEX 700 սարքերը փոխարինելու են Իսրայելի զինված ուժերի Motorola TETRA թվային ռադիոյի հիմքով Mountain Rose (Մաունթին Ռոս) հաղորդակցության շարժական ցանցին։
Նշենք, որ այս ցանցը Իսրայելի զինված ուժերին ներկայացվել է 2004 թվականին։
Նոր ծրագիրը հնարավորություն է տալիս սմարթֆոնը տեղափոխել ապագայի ռազմի դաշտ, ինչը իսրայելական բանակի անվտանգության ամբողջ համակարգին էական առավելություն կտա։