Ադրբեջանի ռազմական արդյունաբերության նախարար Յավեր Ջամալովը հայտարարել է, որ մոտ ժամանակներս ադրբեջանական արտադրության Mübariz («Մուբարիզ») դիպուկահար հրացանը հանձնվելու է զինված ուժերի շահագործմանը։
Ադրբեջանական «Mübariz» դիպուկահար հրացան
Նրա խոսքերով՝ «զենքի կատարելագործման աշխատանքներն ավարտված են»։
Նախարարը հստակ ժամկետներ չի նշել։
Հիշեցնենք, որ ադրբեջանցիների վկայությամբ՝ 12.7 մմ տրամաչափի Mübariz դիպուկահար հրացանը պատկանում է ադրբեջանական արտադրության Istiqlal (Իսթիգլալ) դիպուկահար հրացանների ընտանիքին։ Այն ցուցադրվել է 2013-ի մայիսի 7-10-ը Ստամբուլում կայացած IDEF-2013 ռազմարդյունաբերական ցուցահանդեսին՝ ադրբեջանական տաղավարում։
Նկատենք, որ դիպուկահար հրացանը կրում է ադրբեջանցի ենթասպա Մուբարիզ Իբրահիմի անունը։ Վերջինս 2010-ի հունիսի 18-ին դիվերսիոն գործողություններ էր իրականացրել՝ ներխուժելով Արցախի հայկական դիրքեր, սպանել էր 4 հայ քնած զինծառայողի, իսկ մարտական հերթապահություն իրականացնող հայ զինծառայողներից մեկը, մարտի բռնվելով դիվերսանտի հետ, սպանել էր նրան։ Ադրբեջանի նախագահի հրամանագրով՝ Մուբարիզ Իբրահիմովը հռչակվել էր Ադրբեջանի ազգային հերոս։