Օպերատիվ գործողությունների արդյունքում Ադրբեջանի Խաչմազի շրջանի սահմանային հսկիչ անցակետում կանխվել է մեծ քանակությամբ պայթուցիկ նյութերի ներկրումը Ռուսաստանից։
Պետական մաքսային կոմիտեի մամուլի ծառայության տվյալներով՝ «Իկարուս-256» մակնիշի ավտոմեքենան, որի վարորդն Էյվազով Հաշամ Դուրբալա օղլուն է, «Սամուր» անցակետից անցնելով՝ ստուգման է ենթարկվել։ Նրա ավտոմեքենայի անիվների ներսում հայտնաբերել է շուրջ 140 կգ վառոդ։
Փաստի առնչությամբ ընթանում է հետաքննություն։
Նկատենք, որ Ադրբեջանի պետական մաքսային ծառայությունը չի հստակեցնում՝ կասկածյալն Ադրբեջանի, թե ՌԴ-ի քաղաքացի է։