Թուրքիայում փորձարկումներ անցնող «Ուրալ» (Ural) զրահամեքենան կողաշրջվել է, ինչի հետևանքով փորձարկողներից երեքը վնասվածքներ են ստացել։
Դեպքը եղել է Թուրքիայի Բուրսա նահանգի Օրհանգեզի քաղաքի մոտակայքում, որտեղ թուրքական նոր զրահամեքենան ընթացային փորձարկում էր անցնում։ Ավտոճանապարհով երթևեկելու ժամանակ «Ուրալը» փորձել է պտույտ կատարել, ինչի ժամանակ էլ կորցրել է կառավարումն ու կողաշրջվել է՝ զգալի վնասելով ձախ անիվները։
Ականատեսները կարողացել են լուսանկարել նաև թուրքական զրահամեքենայի փորձակման ձախողումը։ Վթարի պատճառները դեռ հայտնի չեն, ընկերությունում պատրաստվում են քննություն անցկացնել և պարզել ձախողման պատճառները։
Նշենք, որ թուրքական «Օթոքար» ընկերության 4X4 ընթացամասով «Ուրալ» զրահամեքենան առաջին անգամ հանրությանը ներկայացվել էր Ստամբուլում կայացած IDEF-2013 ռազմական ցուցահանդեսի ժամանակ։ Զրահամեքենան կարող է տեղափոխել մինչև 10 դեսանտային։
Մեքենայի քաշը 6,2 տոննա է, երկարությունը՝ 5,33 մ, լայնությունը՝ 2,2 մ և բարձրությունը՝ 2,19 մ։ Ունի 3.2 լիտր դիզելային շարժիչ։ Ճանապարհային պայմաններում կարող է զարգացնել մինչև 110 կմ/ժ արագությունը։ Առանցք լիցքավորման կարող է անցնել մինչև 600 կմ։
«Օթոքար» ընկերությանն այս տեսակի զրահամեքենաներ է պատվիրել Թուրքիայի զինված ուժերի ժանդարմերիան։