Երևանի «Էրեբունի» օդանավակայանում հոկտեմբերի 18-ին տոնում են Հայաստանում տեղակայված ՌԴ զինված ուժերի 3624-րդ ավիաբազայի 15-ամյակը։
Հանդիսավոր արարողությանը հրավիրվել են ՀՀ պաշտպանության նախարարության ղեկավարները, Գյումրիում տեղակայված 102-րդ ռուսական ռազմաբազայի հրամանատարությունը, ՌԴ ԱԴԾ սահմանային ծառայության Հայաստանի վարչության ղեկավարները, ՌԴ դեսպանատան աշխատակիցներ և այլ հյուրեր։
«Էրեբունի» օդանավակայանը. արխիվային լուսանկար։ Աղբյուր՝ Razm.info
Միջոցառումների շրջանակում նախատեսված է ավիաբազայի զինծառայողների քայլերթը, աչքի ընկած սպաների պարգևատրումը, ինչպես նաև ռազմաբազայի տեխնիկայի ոչ թռիչքային ցուցադրությունը։ Սպասվում է նաև տոնական համերգ։
Նշենք, որ ռուսական ավիաբազան տեղակայված է Երևանի «Էրեբունի» օդանավակայանում և հանդիսանում է Գյումրիում տեղակայված ՌԴ ԶՈւ Հարավային ռազմական օկրուգի 102-րդ ռազմաբազային կից ավիաբազան։
Ռուսական ավիաբազան մարտական հերթապահություն է կրում ԱՊՀ անդամ պետություների Միացյալ ՀՕՊ համակարգի կազմում։