Չեչնիայում ուսումնական վարժանքների ժամանակ ՌԴ հարավային ռազմական օկրուգի զինծառայողներն օգտագործել են նոր սերնդի ռադիոտեղորոշիչ «Զոոպարկ» համակարգ։ Այս մասին հայտնում է ռազմական օկրուգի մամուլի ծառայությունը։
Ամսվա ընթացքում հրետանավորներն օրվա տարբեր հատվածներում ստուգել են ռադիոտեղորոշիչ համակարգի աշխատանքը և իրականացրել տեղեկատվության ընդունման, հաղորդման և մշակման 30 նորմատիվ։
Ռադիոտեղորոշիչ համակարգերով հետախուզությունն ու կրակի վերահսկումը նախատեսված են հակառակորդի կրակային միջոցների տեղանքի հետախուզման համար։
Այն թռիչքի ժամանակ հայտնաբերում է հակառակորդի հրետանու կողմից արձակված արկերը և հաշվարկում թռիչքի հետագիծը՝ հնարավորություն տալով հստակեցնել արկերի թիրախը, ինչպես նաև խոցման տարածքը։
Համակարգն ամբողջությամբ ավտոմատացված է և դրա բացազատման համար պահանջվում է մոտավորապես 5 րոպե։