Աբխազիայում տեղակայված ռուսական ռազմաբազայի հակաօդային պաշտպանության ստորաբաժանումներում առաջին անգամ կծառայեն նաև կին սպաներ։
Ռուսական ռազմական բուհերի մոտ 50 երիտասարդ լեյտենանտ արդեն Աբխազիայի ռազմաբազայում են՝ զինվորական ծառայություն իրականացնելու համար։
Զինծառայողներից 4-ը կին են, որոնք ստանձնելու են ՀՕՊ համակարգերի հաշվարկների ղեկավարումը։ Այս մասին տեղեկացնում է Հարավային ռազմական օկրուգի մամուլի ծառայությունը։
Բոլոր զինծառայողները տեղավորվել են սպաների համար նախատեսված հանրակացարաններում։ Մինչև 2013 թվականի օգոստոս ամսվա վերջ ռազմաբազան կհամալրվի ևս 20 զինծառայողով։
Նշենք, որ Ռուսաստանը 2008 թվականի ռուս-վրացական պատերազմից հետո ճանաչեց Աբխազիայի անկախությունն ու այնտեղ մեծացրեց ռազմական ներկայությունը։