Ադրբեջանական աղբյուրները հայտնում են, որ հուլիսի 29-ի գիշերը Արցախի Մարտունու շրջանի օկուպացված հատվածում անհայտ պայմաններում մահացել է զինծառայող Ասլանով Շամիլ Մայիս օղլուն (Aslanov Şamil Mayis oğlu)։
[ԹԱՐՄԱՑՈւՄ] Ավելի ուշ դեպքի առթիվ Ադրբեջանի պաշտպանության նախարարության տարածած հաղորդագրության համաձայն՝ 18-ամյա զինծառայողը նախնական վարկածով մահացել է զենքի հետ անզգույշ վարվելու հետևանքով։
Սակայն նշենք, որ ադրբեջանական ընդդիմադիր «Մեյդան» լրատվակայքի համակարգող Հեբիբ Աբդուլլաևը պնդում է, որ Ասլանով Շամիլին սպանել է ծառայակիցներից մեկը, և դեպքը տեղի է ունեցել ոչ թե Մարտունիում, այլ Բեյլագանում տեղակայված զորամասերից մեկում։ [ԹԱՐՄԱՑՈւՄ]
Տեղեկությունն առայժմ պաշտոնապես հաստատված չէ, սակայն սոցցանցերում շրջանառվում է դիպուկահարի կրակոցից գլխի շրջանում մահացու վիրավորում ստանալու վարկածը։