Ուկրաինայի պաշտպանության նախարարությունը 2021 թվականին կֆինանսավորի «Սապսան» օպերատիվ-մարտավարական համակարգերի ստեղծումը։ Առաջին դիվիզիոնի համար գործարքը կկնքվի այս տարի։ Այս մասին, ուկրաինացի բլոգեր Դիանա Միխայլովնայի փոխանցմամբ, հայտնել է Ուկրաինայի պաշտպանության նախարար Անդրեյ Տարանը։
«Հունվարին մենք գնացինք Դնեպր, որտեղ այցելեցինք հրթիռաշինական «Յուժմաշ» և «Յուժնոյե» ձեռնարկություններ։ Ծանոթանալով արտադրանքին՝ մենք հայտարարեցինք, որ պատրաստ ենք ընդլայնել ուկրաինական հրթիռային ծրագիրը։ Հիմա կոնկրետ քայլերի ենք անցնում»,- պատմել է Անդրեյ Տարանը։
Ըստ նրա՝ խոսքը օպերատիվ-մարտավարական համալիրի առաջին փորձնական մարտկոցի ստեղծման մասին է, որը հայտնի է «Սապսան» կամ «Գռոմ-2» անուններով։
Ուկրաինայի պաշտպանության փոխնախարար Ալեքսանդր Միրոնյուկը ավելի վաղ հայտարարել էր, որ առաջին մարտկոցը բաղկացած կլինի երկուական արձակման կայանից և լիցքավորման մեքենայից, 2 կառավարման մեքենայից։ Նախարարությունը փորձում է արագացնել այս զինատեսակի ընդունումը զորքեր, քանի որ, ինչպես նշել է փոխնախարարը, այն բանակին անհրաժեշտ է արդեն այսօր։
«Սապսանը» մշակվում է 2006 թվականից։