Ադրբեջանի տարածքում Թուրքիայի մասնակցությամբ զորավարժություն է անցկացվում։ Զորավարժությունը մեկնարկել է այսօր՝ հուլիսի 12-ին և կտևի մինչ հուլիսի 28-ը։
Ադրբեջանի և Թուրքիայի ցամաքային զորքերի զորավարժությունն անցկացվում է Բաքվում և Նախիջևանի ինքնավար հանրապետության տարածքում։
Բաքվում թուրքական կողմը ներկայացնելու է երկրի զինված ուժերի ցամաքային զորքերի համազորային դիվիզիայի ստորաբաժանումը, իսկ Նախիջևանում՝ մեխանիզացված դիվիզիայի ստորաբաժանումը։
Այս մասին տեղեկացնում է Թուրքիայի գլխավոր շտաբի պաշտոնական կայքը, որը նաև նշում է, որ «զորավարժությունների նպատակն է երկու երկրների զինված ուժերի միջև փոխհամագործակցության խորացումը»։
Ադրբեջանի պաշտպանության նախարարությունն իր մասնակցության վերաբերյալ մանրամասներ դեռ չի հրապարակել։