Արցախի նախագահի հրամանագրով Պաշտպանության բանակի հրամանատար գեներալ-լեյտենանտ Ջալալ Հարությունյանը ազատվել է զբաղեցրած պաշտոնից։ ՊԲ նոր հրամանատար է նշանակվել գեներալ-մայոր Միքայել Արզումանյանը։
Այս մասին իր ֆեյսբուքյան էջում հայտնում է Արցախի Հանրապետության նախագահ Արայիկ Հարությունյանը՝ հավելելով՝ որ Միքայել Արզումանյանին շնորհվել է գեներալ-լեյտենանտի զինվորական կոչում։
Նախագահը նշել է, որ ՊԲ հրամանատարի փոփոխությունը կապված է Ջալալ Հարությունյանի ստացած վիրավորումով։
Գեներալ-լեյտենանտ Միքայել Արզումանյանը նախկինում զբաղեցրել է տարբեր պատասխանատու պաշտոններ ՊԲ-ում՝ մասնավորապես ՊԲ հրամանատարի առաջին տեղակալի պաշտոնը։