Հայաստանի զինված ուժերի սպա, փոխգնդապետ Գարեգին Մարգարյանը նշանակվել է Ֆրանսիայում Հայաստանի դեսպանության ռազմական կցորդ։
Համապատասխան հրաման է ստորագրել պաշտպանության նախարար Սեյրան Օհանյանը։
Ըստ ՊՆ մամուլի ծառայության՝ այս պաշտոնը վերջերս է ստեղծվել և Ֆրանսիայում Հայաստանի դեսպանության ռազմական կցորդի նշանակումը նպատակ ունի զարգացնել պաշտպանության ոլորտում հայ-ֆրանսիական համագործակցությունը:
Փոխգնդապետ Մարգարյանը Վազգեն Սարգսյանի անվան ռազմական ինստիտուտի, ինչպես նաև Ֆրանսիայի պաշտպանության նախարարության ռազմական ակադեմիայի շրջանավարտ է: Զինված ուժերում է 1998 թվականից, ամուսնացած է, ունի երկու երեխա: