ԱՄՆ ռազմաօդային ուժերը ռեկորդ են սահմանել (վիդեո)

ԱՄՆ ՌՕՈւ Տեխասի Դայս ռազմաբազայի օդաչուները 2013-ի հունիսի 19-ին C-130J Super Hercules ռազմափոխադրիչ ինքնաթիռների խմբային թռիչքի համաշխարհային ռեկորդ են սահմանել։

Համաձայն ԱՄՆ ՌՕՈւ մամուլի ծառայության՝ հունիսի 19-ին 20 ինքնաթիռներ տեղափոխել են  2426 զինվորի և ավելի քան 140 տոննա ամենատարբեր սարքավորումներ Դայսի բազայից դեպի Հյուսիսային Կարոլինա։

C-130J Super Hercules ռազմափոխադրիչ ինքնաթիռներ

Նշենք, որ խմբային թռիչքը կայացել է JOAX զորավարժության ընթացքում, որի նպատակն ԱՄՆ ցամաքային զորքերի և օդուժի համատեղ աշխատանքի մշակումը և կատարելագործումն է համաշխարհային ճգնաժամի կամ ռազմական միջամտություն պահանջող անկանխատեսելի իրադարձությունների ժամանակ։

Հավելենք, որ C-130J Super Hercules ռազմափոխադրիչ ինքնաթիռների անձնակազմն ընդհանուր առմամբ ներառում էր 87 մարդ։