Միջազգային կառույցներում Հայաստանի ներկայացուցիչ Արմեն Պապիկյանը Վիեննայում հանդիպել է Միջուկային էներգիայի միջազգային գործակալության տնօրենի հետ։ Քննարկվել է Մեծամորի ատոմակայանին հարվածելու մասին Ադրբեջանի սպառնալիքը։
Այս մասին տեղեկատվական հարթակի ճեպազրույցում հայտնել է ԱԳՆ խոսնակ Աննա Նաղդալյանը։
Խոսնակը նաև հայտնել է, որ ԱԳՆ-ն արձագանքել է Ադրբեջանին աջակցության Թուրքիայի կոչերին։ Հայաստանը այս պահին ՀԱՊԿ-ին դիմելու կարիք չունի, իսկ ՀԱՊԿ քարտուղարի հայտարարությունը արտահայտում է այս պահին Հայաստանի մտահոգությունները։ Սահմանային լարվածության թուլացման գործընթացին ներգրավված է նաև ԵԱՀԿ-ն՝ մասնավորապես Ռուսաստանի համանախագահը։
Նաղդալյանը նաև տեղեկացրեց, որ ԱԳՆ-ն հետամուտ է լինելու Ադրբեջանին զենքի վաճառքի հարցում։
Տավուշի մարզպետ Հայկ Չոբանյանն էլ հայտնեց, որ Տավուշի բնակիչները վերադարձել են իրենց բնականոն կյանքին, վերականգնողական աշխատանքներն ու գույքագրումը սկսվել է, մասնավորապես՝ վնասված ջրագծերը վերականգնվել են։