Թուրքիայի զինված ուժերի գլխավոր շտաբը հայտարարություն է տարածել, որով մեղադրել է Հունաստանին երկրի օդային սահմանը խախտելու համար։
Ըստ հայտարարության՝ հուլիսի 1-ին Հունաստանին պատկանող ռազմական ինքնաթիռն առավոտյան 08։30-ի սահմաններում թռիչք է կատարել Էգեյան ծովում գտնվող Թուրքիային պատկանող Սաքըզ կղզու վրայով։
Էգեյան ծով
Հունաստանին պատկանող ինքնաթիռը շուրջ 6 րոպե է անցկացրել Թուրքիայի օդային տարածքում, ապա հեռացել։ Թուրքիայի ԶՈւ ԳՇ-ն այս մասին հաղորդում է ներկայացրել երկրի արտաքին գործերի նախարարությանը։
Հայտարարության մեջ նաև նշել է, որ թուրքական կողմը չի կարողացել հստակ պարզել , թե ռազմական ինքնաթիռն ինչ տեսակի է եղել։
Նշենք, որ Հունաստանը և Թուրքիան, որոնք տարածքային վեճեր ունեն Էգեյան ծովում, հաճախ են միմյանց մեղադրում օդային և ջրային սահմանները խախտելու համար։