Միացյալ Նահանգների զինված ուժերը Իրաքին է փոխանցել 1026 միավոր M113A2 զրահափոխադրիչ, տեղեկացնում է Defense Aeorspace-ը։
Ըստ ամերիկյան կողմի՝ այս գործարքը ձեռնտու է եղել երկու կողմերին էլ, քանի որ ԱՄՆ-ն ազատվել է հնացած տեխնիկայից և այն պահելու ծախսերից, իսկ իրաքյան բանակն էլ իր կարիքները բավարարող սպառազինություն է ձեռք բերել։
M113A2
Վաշինգթոնն ու Բաղդադը զրահատեխնիկայի վերաբերյալ պայմանագիրը կնքել էին դեռ 2010 թվականին։ Իրաքյան կողմն ամերիկյան` հազարից ավել զրահափոխադրիչների համար վճարելու է 51 մլն դոլար։
Այսպիսով, Ամերիկյան բանակը խնայել է 31 մլն դոլար՝ զրահափոխադրիչների հետագա պահպանման և շարքից դուրս բերման համար։
Նշենք, որ M113A2 զրահափոխադրիչն արտադրել է BAE Systems ընկերությունը։