Մայիսի 8-ից Պրիմորիե երկրամասում գտնվող ՌԴ ամենամեծ ավիացիոն գործարաններից «ПРОГРЕСС»-ը փակվել է աշխատակիցներից մեկի մոտ կորոնավիրուս հայտնաբերվելու պատճառով։
Այս մասին հայտնում է Primamedia.ru կայքը։ Նախատեսվում է, որ 5200 հոգանոց անձնակազմով գործարանը կվերսկսի աշխատանքը մայիսի 12-ից հետո, եթե նրա հետ շփված անձնակազմի անդամներից ոչ մեկի մոտ վիրուս չհայտնաբերվի։ Մինչ այդ կախտահանվի գործարանի ողջ տարածքը։
Սա գործարանի անձնակազմի շրջանում կորանավիրուսով վարակման առաջին դեպքը չէ։ Մարտի վերջին կորոնավիրուս էր ախտորոշվել արտերկիր գործուղման մեկնած աշխատակիցների մոտ։ Նրանք առողջացել են։ Գործողումից երկրամաս վերադարձած մի աշխատակից մահացել է ապրիլի սկզբին։
Գործարանը մտնում է «Вертолёты России» հոլդինգի մեջ։ Այստեղ են արտադրվում Կա-52 «Ալիգատոր» մարտական ուղղաթիռները։