Բելառուսն այս ամիս 4 միավոր Սու-30ՍՄ է ստացել Ռուսաստանից

Նոյեմբերի 20–ին Բելառուսը ստացել է Ռուսաստանից պատվիրած հերթական երկու միավոր Սու–30ՍՄ կործանիչը։ Սա կործանիչների՝ պայմանագրով նախատեսված այս տարվա վերջին մատակարարումն էր։

Այս մասին հայտնում է Բելառուսի պաշտպանության նախարարության կայքը։

Բելառուսի ԶՈւ Սու-30ՍՄ–ն
Բելառուսի ԶՈւ Սու-30ՍՄ–ն

2017 թվականին կնքված պայմանագրով Բելառուսը պատվիրել է 12 միավոր Սու-30ՍՄ, որոնցից առաջին երկուսը ստացել է մի շաբաթ առաջ՝ նոյեմբերի 13-ին։

Բելառուսը նոր կործանիչներով կփոխարինի իր բանակի ՄիԳ-29 կործանիչները, որոնց թիվն այս պահին 37 միավոր է։

Հետխորհրդային տարածքում բացի Ռուսաստանից, Սու–30ՍՄ կործանիչներով զինված է Ղազախստանը, իսկ մյուս տարվա սկիզբ Հայաստանը նույնպես կստանա իր պատվիրած առաջին երկու ՍՈւ–30ՍՄ կործանիչը։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *