Ներկայիս Թուրքիայի Դիարբեքիր նահանգում (Աղձնիք գավառ) հունիսի 20-ի վաղ առավոտյան լայնածավալ գործողություն է իրականցվել թուրքական բանակի, ժանդարմերիայի և ազգային անվտանգության ծառայության ստորաբաժանումների մասնակցությամբ։
Խոշոր գործողությունն ուղղված էր թմրանյութերի աճեցմամբ և շրջանառմամբ զբաղվող հանցավոր խմբերի դեմ, փոխանցում է CNNTurk-ը։
Գործողությանը ներգրավվել են Թուրքիայի զինված ուժերի ցամաքային զորքերի ստորաբաժանումներ, Ժանդարմերիայի ջոկատներ և Ազգային անվտանգության ծառայության ներկայացուցիչներ (MIT)։
Համաժամանակյա գործողությանը մասնակցել է 800 զինվորական, «Սիկորսկի» ուղղաթիռներ, այլ ռազմական տեխնիկա։
Գործողության մասնակիցների թիրախում են եղել Դիարբեքիրի նահանգի դժվար հասանելի շրջանում 6 գյուղերը, որտեղ, ըստ հետախուզության տվյալների, թմրանյութերի աճեցման և մշակման խոշոր ցանցեր են գործում։
Գործողության արդյունքների, ձերբակալվածների թվի մասին տեղեկություններ դեռ չեն հաղորդվում։