Հունվարի 24-ին, Արցախի ղեկավար Բակո Սահակյանը անցկացրել է ՊԲ-ի ռազմական խորհրդի նիստ, որի ընթացքում ամփոփվել են ՊԲ-ի միավորումների և զորամասերի 2018 թվականի ուսումնական տարվա արդյունքները:
Այս մասին հայտնում է ՊԲ կայքը։
ՊԲ հրամանատար, գեներալ-մայոր Կարեն Աբրահամյանը նշել է, որ որ առաջիկա բոլոր ձեռքբերումները կախված կլինեն նաև այն հանգամանքից, թե ինչ հետևություններ կարվեն նախորդ տարվա արդյունքներից և ըստ այդմ՝ ինչպիսի հերթականությամբ կպլանավորվեն նոր բանակային տարվա առաջնահերթությունները:
Բանակի հրամանատարի տեղակալները անդրդադարձել են մարտական պատրաստության վիճակին, զինվորական կարգապահության ու բարոյահոգեբանական ապահովման հարցերին, սպառազինության և ռազմական տեխնիկայի պահպանման, թիկունքային ապահովման և հարակից այլ ուղղությունների:
Ռազմական խորհրդի նիստի ավարտին հրապարակվել է բանակի հրամանատարի հրամանը, որի համաձայն դրամական պարգևներ, արժեքավոր նվերներ ու պատվոդրոշներ են հանձնվել անցած բանակային տարվա ընթացքում առավելագույն բարձր արդյունքներ ունեցած զորամասերին, ստորաբաժանումներին ու անհատ զինծառայողներին: